Предлогот на претседателот на ВМРО-ДПМНЕ – Христијан Мицкоски, Африм Гаши да биде мандатар за состав на нова Влада наместо новиот лидер на СДСМ – Димитар Ковечевски, за Алтернатива е неприфатлив.
Причината, велат од партијата за МИА, е што Алтернатива се наоѓа во процес кој сѐ уште не е завршен.
„Му благодариме на господинот Мицкоски за изразената почит кон претседателот Африм Гаши, но Алтернатива моментално е во еден процес кој е во тек и сѐ уште не е завршен. Во овој период немаме причина и не можеме да зборуваме за ништо друго“, изјавиле од партијата.
Покрај Алтернатива, предлогот инстантно го одби и ДУИ, со образложение дека во моментов само тие и нивниот лидер – Али Ахмети, можат да предложат премиер Албанец. За разлика од нив, Алијанса за Албанците изрази поддршка за предлогот на Мицкоски (детали ТУКА).
Извор: МИА
