Мадрид, 16 август 2021 (МИА) – Напаѓачот на Пари Сен-Жермен, Килјан Мбапе, многу веројатно ќе го напушти францускиот клуб, пишува „Марка“.
Според шпанскиот весник, 22-годишниот Французин нема намера да потпише нов шестгодишен договор со тимот и се надева дека ќе се пресели во Реал ова лето.
Актуелниот договор на играчот истекува следната година.
Минатата сезона Мбапе учествуваше на 47 натпревари на сите турнири, на кои постигна 42 гола и 11 асистенции.
Интерес за ангажман на Мбапе покажува и премиерлигашот Ливерпул.
