„Пожарите кои ја зафатија земјата донесоа тешка илинденска ноќ, но благодарение на професионалноста и солидарноста на пожарникарите и граѓаните и натаму немаме повредени или загрозени лица.
Материјалната штета е нешто што со заеднички сили ќе го надоместиме, сега најголемата грижа на сите мора да ни биде безбедноста“, истакна денеска премиерот Зоран Заев.
Тој уверува дека „сите сили и капацитети на системот се ангажирани под прецизна команда на Центарот за управување со кризи“, со тоа што од утрово два хеликоптери интензивно учествуваат во гасењето, а во секој момент, како што рече премиерот, се очекуваат да се вклучат уште четири хеликоптери, како помош од соседна Србија.
„Во интензивна комуникација сме и со нашите НАТО сојузници од регионот, кои се будни и подготвени да ни испорачаат помош согласно условите на теренот“, додаде Заев.
Тој апелира граѓаните да не одат во шумите и да бидат внимателни и одговорни, додавајќи дека заедно можеме и ќе ги надминеме, како што рече, овие „пеколни предизвици“.
Според последните информации, пожарот во Кочани е локализиран, но активни се околу десетина други пожари. Голем пожар има во Старо Нагоричане, каде се зафатени неколку куќи а несленито е евакуирано, а пожар има и во делчевско, пренесува „Канал 5“. Подетално ТУКА.
