Покрај загрижувачката рекордна бројка од 317 нови случаи на Ковид-19 во последните 24 часа, повторно е забележан пораст и на бројот на пациенти позитивни или сомнителни на вирусот во болниците низ земјава. Според податоците што ги објави Министерството за здравство, утрово на инфективните болници/одделенија имало 405 пациенти.
На Инфективната клиника во изминативе 24 часа примени биле 9 пациенти. Вкупно се хоспитализирани 87, а на кислородна поддршка се 48 пациенти.
Во болницата во Козле хоспитализирани се едно дете и една мајка позитивни на Ковид-19, како и 6 деца и 6 мајки суспектни на вирусот.
Во болницата „8 Септември“ примени се 4, а вкупно хоспитализирани се 37 пациенти. На респиратор се 3 пациенти.
Во болницата во Битола се хоспитализирани 18, а во болницата во Штип 51 пациент. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 198, позитивни и сомнителни на Ковид-19.
Над 400 пациенти поради коронавирусот во болниците последен пат имаше во периодот од 26 јуни до 29 јули, кога во повеќе наврати нивниот број се искачуваше над 420, а на трипати беше забележана највисоката бројка од 428. За потсетување, на 22 август оваа бројка ја достигна најниската точка од почетокот на „вториот бран“ и изнесуваше 291 хоспитализирани.
Како што соопшти Министерството, во моментов има 2.892 на Ковид-19 низ земјата. По градови, статистиката по градови е следна:
• Скопје 7.724, активни 1166
• Куманово 1.823, активни 166
• Дебар 290, активни 35
• Штип 1.307, активни 79
• Прилеп 742, активни 138
• Тетово 1.517, активни 168
• Струга 693, активни 42
• Велес 348, активни 36
• Битола 344, активни 78
• Охрид 443, активни 36
• Кавадарци 256, активни 41
• Гостивар 959, активни 68
• Гевгелија 155, активни 57 (10 лица од ПЕ Гевгелија се жители на Дојран, 21 на Богданци и 12 се странски државјани)
• Струмица 328, активни 185
• Крива Паланка 130, активни 38
• Радовиш 107, активни 35
• Крушево 20, активни 1
• Кочани 450, активни 183
• Пробиштип 119, активни 17
• Демир Хисар 62, активни 2
• Македонски Брод 93, активни 2
• Пехчево 46, активни 3
• Берово 129, активни 47
• Валандово 54, активни 39
• Виница 126, активни 36
• Делчево 175, активни 85 (35 лица од ПЕ Делчево се од Македонска Каменица)
• Кратово 26, активни 2
• Свети Николе 380, активни 57
• Кичево 340, активни 29
• Ресен 167, активни 9
• Неготино 60, активни 12 (12 лица од ПЕ Неготино се жители на Демир Капија)
По општини, дистрибуцијата на активни случаи изгледа вака:
• Чаир – 66
• Гази Баба – 126
• Аеродром – 208
• Карпош – 180
• Центар – 210
• Кисела Вода – 131
• Ѓорче Петров – 93
• Бутел – 49
• Шуто Оризари – 15
• Студеничани – 4
• Сарај – 14
• Арачиново – 5
• Илинден – 31
• Сопиште – 3
• Чучер Сандево – 4
• Петровец – 8
• Зелениково – 3
• Странец – 10
• Нераспределен-6
