„На повикот за донации на Левица, досега се одзваа околу стотина наши сограѓани… Донациите се движат од симболични 100 денари, па се до над 500 ЕУР ✊ “, соопшти претседателот на партијата – Димитар Апасиев, на социјалните мрежи.
Пред десетина дена, партијата – чии пари беа заглавени во „Еуростандард банка“ поради стечајот, упати „повик за акција и донација“ до своите „соборци“ (членови, симпатизери и поддржувачи), со порака дека никогаш нема да стане партија која одработува за лоби групи и затоа се обраќа до нив, граѓаните, за донации.
Според Апасиев, досега одзивот на „соборците“ е позитивен:
„Ако акцијата продолжи со ова темпо, нема да мораме да затвораме ниту една локална канцеларија, иако тоа најмногу го посакуваа нашите политички непријатели 😉
Бидете така! Борбата продолжува. ФАЛА ВИ НА СИТЕ ОД СЕ СРЦЕ ❤ #НародотЗаЛевица #ЛевицаЗаНародот“, напиша тој на Фејсбук.
