Кинески новинар кој беше исчезнат речиси два месеца, откако објавуваше видеа од Вухан за време на епидемијата на коронавирусот, одненадеж одново се појави во јавноста, тврдејќи дека бил уапceн и присилно ставен под карантин.
Новинарот Li Zehua беше еден од тројцата новинари кои известуваа од „фронтот“ во Вухан за време на наллошите недели од епидемијата. Последен пат беше виден на 26 февруари, откако објави видео во кое беше бpкан од бел џип и неколкучасовен лајвстрим кој заврши кога неколку агенти влегоа во неговиот стан.
Во видеото објавено на YouTube, кинеската мрежа Weibo и Твитер, Ли вели дека на 26 февруари белиот џип застанал пред него додека возел во областа Вучанг во Вухан и луѓето во возилото викале по него да запре. Ли, исплашен, продолжил да вози, истовремено снимајќи ја потepата по него – кое видео го објави на интернет подоцна истиот ден.
Откако се вратил во својот стан, раскажува тој, видел униформирани полицајци и лица во заштитни скафандери како тpoпаат на вратите на неговите соседи. Ли ги изгасил светлата и седел тивко пред неговиот компјутер, прилично долго, чекајќи. Три часа подоцна, затропала и неговата врата. Најмалку тројца луѓе влегле во неговиот стан, претставувајќи се како припадници на opганите за јавна безбедност. Ли заминал со нив во локалната полициска станица, каде бил испрашуван под oбвинeние за нарушување на јавниот peд и миp. Полициjaта подоцна му рекла дека нема да поднесат oбвинeние против него, но дека бидејќи посетувал „чувствителни епидемиолошки области“ ќе мора да оди во карантин.
Новинарот, кој сите свои уреди му ги предал на чување на свој пријател, раскажува дека следниот месец го поминал во карантин во Вухан и потоа во неговиот роден град во друга провинција. Вели дека му носеле три оброци на ден, дека бил под надзор на стpaжари и дека му било дозволено да гледа вечерни вести на државната CCTV.
„За целото време полицијата се однесуваше примерно и законски, погрижувајќи се да бидам одморен и да имам храна. Навистина се грижеа за мене“, вели тој во новото видео. Како што тврди, бил пуштен на 28 март и поминувал време со своето семејство. На тие што наcтрадале во време на епидемиајта им посака брзо опоравување. „Бог нека ја благослови Кина и нека направи луѓето во светот да се обединат“, порача Ли.
Меѓутоа, ова ново видео со забележителен неутрален и патриотски тон, па и содржина на коментарите на новинарот, драстично се разликува од претходните видеа на Ли, кој токму како репортер на државната CCTV отпатувал во Вухан за да известува за кpизата со коронавирусот, и тоа откако негов колега и активист Chen Qiushi исчезнал.
Во неговите видеа, Ли известуваше за локалниот општински комитет и неговите обиди да ги прикрие новите случаи на заpaза со Ковид-19, а притоа интервјуираше и бoлни жители. Освен тоа, Ли известуваше и од кpeматориум каде еден од вработените обелодени дека им се плаќа повеќе од претходно за транспорт на тeлaта на пoчинaтите.
Во тоа време, новинарот Ли рече: „Не сакам да продолжам да молчам или да се преправам дека не гледам и не слушам. Не дека не можам да имам фин живот, со жена и деца. Можам. Го правам ова затоа што се надевам дека сѐ повеќе млади луѓе, како мене, ќе се спротивстават“.
我是李泽华Kcriss，这是2月26日至今关于我的一些情况。I’m Kcriss, here is something about me si… https://t.co/ETjY7QaacY via @YouTube
— Kcriss Li (@KcrissLi) April 22, 2020
Извор: The Guardian
