Заклучно со 03 април 2020, во земјава се регистрирани вкупно 483 случаи на COVID-19.
Највисока инциденца има во Дебар, со 176.5 заболени на 100 илјади жители, во Куманово (65.2 заболени на 100 илјади жители) и во Скопје (35.8 заболени на 100 илјади жители), покажува кумулативниот извештај на Институтот за јавно здравје заклучно со 3 април.
Од досега потврдените случаи, 230 се машки, а 253 се женски лица. Просечната возраст на заболените е 44.9 години, од кои најголем број се на возраст над 60 години (20.9% од вкупниот број), додека најчесто заболена е старосната група од 50 до 59 години.
Извештајот покажува и дека речиси секој 10-ти од тестираните е позитивен. Во периодот од 15 февруари до 3 април, во лабораториите во кои се спроведува молекуларно тестирање за присуство на коронавирусот (SARS-CoV-2), се тестирани вкупно 4.920 материјали, од кои 483 се позитивни.
![](https://365.mk/wp-content/uploads/2020/04/korona-3.4.-graf-3.jpg)
Заклучно со 2 април, 23.7% од вкупниот број потврдени случаи биле xocпитализирани, додека останатите случаи биле или сѐ уште се на домашно лекување и во домашна изолација, асимптоматски или со полесна клиничка слика.
Најчести симптоми се кашлица (64,1%), температура (63,2%), слабост (33,6%), главоболка (22,0%), треска (19,1%), болка во грло (17,1%) и отежнато дишење (16,4%), а 126 лица немаат или немале изразени симптоми.
Во однос на коморбидитети, кај 108 лица се присутни хронична/и здравствени состојби: 79 лица имаат кардиоваскуларна болест, 24 лица се со хронична белодробна болест, 24 со дијабет, 5 со хронична бубрежна болест и 9 со други хронични болести.
Регистрирани се 52 случаи на заболување меѓу здравствени работници. Од овој број, 34 се заболени во болнички/ амбулантски услови, покажува извештајот.