Охридскиот договор со предложените измени во Предлог-амандманите исто така ќе биде вклучен во Преамбулата на Уставот. Ова го најави премиерот Зоран Заев, иако претходно тој рече дека такво нешто било непотребно.
„Охридскиот рамковен договор е целосно вклучен во Уставот на Република Македонија, а аргументот што беше даден во целата оваа дебата со пратениците и тука во владата беше дека кога веќе е отворен Уставот е чекорот за вклучување на Охридскиот рамковен договор како елемент за контингент, бидејќи ова е дел од нашиот Устав и нашиот Устав, и на крајот одлучивме дека треба да остане“, рече Заев.
Албанските опозициски партии од историски аспект, го сметаат ова за позитивен чекор, но сепак нагласуваат дека тоа не ја подобрува правната положба на Албанците во земјава. Вклучувањето на Охридскиот договор во Преамбулата го потврдува признавањето на Албанците како народ од 20 проценти. Затоа тие бараат да се прифатат предлозите за унапредување на позицијата на албанскиот народ.
„Ова е декларативно прашање. Охридскиот договор беше вграден во Уставот. Амандманите од 2001 година се дел од Уставот на земјата и гледаме дека тие амандмани не обезбедија решение во односите меѓу Албанците и Македонците, во остварувањето на албанските права, за целосна рамноправност на Албанците во Македонија. Албанците беа како народ од 20% и не залудно со амандманите и предлозите што ги понудивме на Владата како овластен предлагач на нацрт-амандманите, побаравме да се укине ова 20%“, вели Фадил Зендели, пратеник на Движењето Беса.
„Во однос на политичката и правната димензија, сметаме дека еден политички договор меѓу Македонците и Албанците ќе го зајакне албанскиот елемент во рамките на сегашниот Устав, каде што ние како Алијанса за Албанците ќе се произнесеме за ова. Во однос на историската димензија сметаме дека држи Охридскиот договор да биде покрај елементот на Крушевската република и АСНОМ“, рече Флакрон Беџети, портпарол на Алијансата за Албанците.
Во Преамбулата, освен предложеното споменување на Охридскиот договор, покрај Крушевската Република и референдумот од 8 септември 1991 година, се менува и друг дел, односно делот со АСНОМ. Зборовите „одлуките на АСНОМ“ се заменуваат со „Прогласот од заседанието на АСНОМ“, бидејќи според власта, тоа не би било спорно за Грција.
Предлог за измени во Преамбулата:
Граѓаните на Република Северна Македонија, Македонскиот народ, како и граѓаните кои живеат во нејзините граници кои се дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите, преземајќи ја одговорноста за сегашноста и иднината на нивната татковина, свесни и благодарни на своите предци за жртвите и посветеноста во нивните заложби и борба за создавање самостојна и суверена држава Северна Македонија и одговорни пред идните генерации за зачувување и развој на сè што е вредно од богатото културно наследство и соживот во Македонија, еднакви во своите права и обврски кон заедничкото добро – Република Северна Македонија – во согласност со традицијата на Крушевската Република и Прогласот од Првото заседание на АСНОМ до македонскиот народ за одржаното заседание на АСНОМ и на Референдумот од 8 септември 1991 година и на Охридскиот рамковен договор, ја конституираат Република Северна Македонија како самостојна, суверена држава, со намера да се воспостави и зацврсти владеењето на правото, да се гарантираат човековите права и граѓанските слободи, да се обезбеди мир и соживот, социјална правда, економска благосостојба и напредок на личниот и заедничкиот живот, преку своите претставници во Собранието на Република Северна Македонија, избрани на слободни и демократски избори го донесуваат овој Устав на Република Северна Македонија
Алсат М
