Последнава деценија се прави муабет единствено за Кристијано Роналдо и Меси, не дека не се најдобри во моментов, ама добро бе, реално не го измислија тие фудбалот, па и пред нив други играчи ја тркалаа топката.
Целиоив муабет сакаме да го сведеме на фактот дека пред горенаведениве двајца, имаше еден тип кој сјаеше дупло посилно од двајцата заедно. Станува збор за Роналдо де Асис Морери, народно попознат како РОНАЛДИЊО.
На некој начин, Роналињо му доаѓа како фудбалер за народната маса. Неговата појава во модерниот фудбал беше прав ретро-феномен. Типот успеа да нѐ нацрта пред малите екрани буквално сите, и ние кои гледами и сакаме фудбал, па и оние кои не се замараат. Симпатиното дете од Порто Алегре ги врати старата „шева“ и античкото „јога бонито“ пред малите екрани и ни го доближи фудбалот со најголемиот можен зум.
Со страшниот шут ги демолираше голманите, имаше неверојатен стил и осет за пас, дриблинг совршен и плус, згора на сѐ онаа природна насмевка, типина за бразилски мераклија нѐ освојуваше сите. Ама баш сите, без исклуок …
Неговата приказна не е ништо поразлична од онаа на најголемиот број бразилкски причи. Сиромашно семејство, трошна куќа, пари ни за лек.
Неговиот постар брат Роберто го прави првиот поголем фудбалски чекор и ја „вади“ фамилијата на површина. За жал, почнува да пати од повреда и баш кога неговата кариера згаснува (во Сион), тогаш понува блескавата кариера на Роналдињо.
Најмногу се прославува кога за неговиот тим постигнува 23 гола, при резултат од 23-0. Потоа освојува СП за млади и е предводник на тимот, па супер настапите за Гремио, кај што му ја крши кичмата на доверашниот идол Дунга (имате и видео)… па освојува СП во Јужна Кореа и Јапан.
По некое време потпишува за ПСЖ, таму проаѓа две сезони без некои посериозни достигнувања во однос на освоени титули, за наредната година да направи трансфер во Барселона, каде станува „Крал на фудбалот“ …
Да не тупиме многу за неговите достигнувања и кариера, ајде да погледнеме неколку видеа и да се потсетиме на човекот кој ни го доближи фудбалот до степен да можеме да го поувствуваме и допреме.
Уживајте …
Кога му аплаудираше цел Бернабеу
Пред некој ден стаса вест дека Роналдињо ќе влегувал во политики води, како што вели О’Глобо, поранешниот репрезентативец има желба да стане сенатор на покраината Минас Жераис. За тоа да се случи треба претседателскиот кандидат на „Патриотите“- (Патриотска партија), Жол Болсонаро да победи на изборите во 2018.
Дали „Дињо“ ќе заврши како Жорж Веа, ќе видиме.
