Моралниот принцип на самурајот

Бушидо – тоа е кодексот на самураите: збир на правила, насоки и норми на однесување, како во битка, така и во животот воопшто. Искусни стратези, бестрашни борци и филозофи – тоа се самураите.

義

Ги – праведност. Биди секогаш искрен во своите активности. Верувај во правдата не во другите луѓе, туку во правдата што е во тебе. За самурајот нема нијанси во проценката на честа и справедливоста, има само црно или бело, добро или лошо, вистинито или лажно. Секој чесен човек со чиста душа не се плаши од вистината.

勇

Ју – храброст. Издигни се над толпата. Да се ​​криеш во школка како желка – значи да не живееш. Самурајот треба да има дух на херој. Тоа е многу опасно и ризично, но истовремено, животот е исполнет. Смелиот никогаш не е духовно слеп. Самураите се умни и силни. Го заменуваат својот страв со почит и внимание.

仁

Џинг – доблест. Сочувство и сожалување. Интензивната обука ги прави самураите брзи и силни. Силата што самурајот ја развива треба да ја користи за општото добро. Ако судбината не му даде таква можност, тој ја наоѓа сам.

礼

Реј – почит. За самурајот не е неопходно да биде суров и да ја докажува својата сила. Дури и со најбесниот непријател, самурајот треба да биде љубезен. Без овој квалитет, самурајот не е ништо повеќе од ѕвер. Вистинската внатрешна сила се манифестира во конфликтот.

誠

Макото – искреност. Ако самурајот вети дека ќе направи нешто, тој мора да го исполни. Ништо на овој свет не треба да го запре. Во спротивно тој не треба да дава збор, не треба да ветува ништо. Фактот дека го рекол тоа, веќе е гаранција за извршување. За самурајот, реченото и стореното се едно исто нешто.

名誉

Meијо – чест. За самурајот има само еден судија кој може да ја суди неговата чест – тој самиот. Одлуките и решенијата кои ги носи и извршува се одраз на неговото вистинско “Јас”. Самурајот не може да се скрие од себе си.

忠義

Tјуги – преданост. Самурајот е одговорен за своите постапки и доброволно ја презема таа одговорност. Тој е апсолутно верен и лојален на својот шеф и е модел за потчинетите. Зборовите на мажот се неговите траги, по нив можете да го следите каде и да оди.