Природно лечење на изгореници

Горењето е меѓу најчестите домашни инциденти. Се случува  одеднаш – додека готвите, при пеглање или при момент на невнимание, но остава лузни и е придружувано од непријатна болка.

Погледнете како да лекувате горење со природни средства.

Изгорениците  можат да биде од различен степен. Во домашни услови може да третираат  само оние од прв степен, кај кои се забележува црвенило по кожата, раната не е голема и болката е полесна и поднослива.

При горење од втор степен, болката исто е посилна и има плускавци, треба да се консултирате со лекар и паралелно со неговото лекување да пробате некои природни средства.

При изгореници  од трет степен лекувањето се одвива  само во болнички услови.

Кога ќе се изгорите,  местото треба брзо да се излади, а кожата да се измазни, за да не остануваат трајни лузни. Затоа и повеќето природни средства против горење имаат сличен ефект.

Најпознат, брз и лесен начин за третирање на лесни изгореници, на пример при допир на  жежок сад, е да го ставите заболеното место под млаз ладна вода, а потоа да му направите леден компресор со помош на навлажнета памучна крпа, која ќе ја ставите на местото.

Популарен метод за лекување на изгореници редење на облоги од рендан компир  – на тој начин ќе ја  спречите можната појава на плускавци. Ставете го  ренданиот  компир врз раната 30 мин., за да има ефект.

При горење можете да си направите домашен маст со сало.

Опција 1 – Намачкајте го топлото  место само со сало.

Опција 2 – Направете лек од сало и јогурт или сало и жолчка. Чувајте ја раната отворена, но внимавајте од загадување.

За  да ја ублажите болката при горење, може да користите и маслиново масло , а уште подобро ако додадете во него  некоја билка. Ставете во маслиново масло,  кантарион или равнец и оставете го да отстои  20 дена. Чувајте го лекот на суво и ладно место и секој пат кога некој дома ќе се изгори, намачкајте ја раната со подготвениот лек.

Лековити масти против изгореници, исто така може да си направите и од  пчелин восок и масло растопени во топла вода, кои се мешаат до добивање на хомогена смеса.

За да сте подготвени за поситни домашни инциденти со помали изгореници, негувајте невен или алое вера. Така, ако се случи немилиот настан, може да користите сок ​​од растението алое вера или да приготвите маст со учество на билката невен, која има регенерирачка функција. И двете растенија штитат од појава на плускавци и лузни на кожата.