Сунјуан и Пенгју, се уметничко дуо од Пекинг, чија специјалност се уметнички инсталации.
Годинава, галеријата Перотин во Париз беше домаќин на нивната изложба наречена „Dear“. Во склоп на изложбата беше и една длабоко-персонална инсталација, инспирирана од смртта на мајката на една од уметниците.
Пред да почине, мајката на Пенгју се појави во 14-минутно видео-интервју, во кое зборуваше за крајот на нејзиниот живот и очекувањата што ги има од смртта. Она што импресионира е нејзината способност да се држи настрана од морбидните концепти на смртта – наместо тоа, таа зборува за концептот на ново раѓање и нејзините надежи во однос на реинкарнацијата.
Трогната од нејзината мајка, Пенгју и нејзиниот партнер креираа прекрасна инсталација во нејзина чест. Делото наречено „If I Died“ е совршена физичка репрезентација на мајчините идеали за патувањето на душата.
Фигурата на мајката држи венец од цвеќе и е опкружена со морски суштества – токму како во нејзината визија за време на интервјуто.
Мајката е претставена со мирна и блажена експресија на лицето, а сигурни сме дека истата таа експресија е и репрезентација на тоа како гордата родителка би реагирала на талентот, креативноста и посветеноста на својата сакана ќерка.
