На тотална површина од 90 квадратни метри, овој шведски апартман изобилува со стил и карактер.
Тесните скали веднаш до влезот ве водат кон мала и драматична поткровна просторија, а се само вовед во овој модерно и бохемиски уреден простор за живеење.
Удобноста на дневната е резултат на придушените бои и светлите нијанси, прошарани со ексцентрични детали. Каминот е уште еден плус што додава на светлоста и пријатноста на дневната соба.
Стратешки поставените покривни прозори го снабдуваат просторот со потребната дневна светлина, а придушените сијалици даваат дополнително чувство на модерно живеење.
Модерниот стил е во самата основа и на бањата и кујната, но со груби финеси – текстурираните ѕидови и слободно поставените зелени растенија балансираат кон поприродна атмосфера.
Еден од најимпресивните моменти на овој апартман е терасата што продолжува од кујнскиот простор. Исполнета со удобен мебел за седење и еден куп растенија, терасата изгледа како најудобна опција за релаксирана вечер.
