Многумина сметаат дека Ханиоти е најдоброто туристичко место на полуостровот Халкидики. Тоа се должи пред сè на раскошната фауна во околината, прекрасната архитектура, фантастично организираниот ноќен живот и одличната плажа…
Ханиоти се наоѓа приближно на средината од источната страна на полуостровот Касандра. Од таму има прекрасен поглед на Егејското Море и западната страна на вториот крак, Ситонија. Ова село се вбројува меѓу најмирните во цела Грција, со многу тивки места, паркови погодни за одмор, убаво средени плоштади и високи борови дрвја.
Организацијата на плажата во Ханиоти е речиси беспрекорна, а таа се одликува со ситен песок, кристално бистра вода, високи дрвја под кои има длабока сенка и повеќе спортски комплекси.
Во оваа населба на приближно еден час возење од Солун секој турист го пречекува живописната архитектура на градбите, заедно со огромниот број ресторани од најразличен вид (и за сечиј вкус), барови, традиционални таверни и ноќни клубови во кои се нуди забава до раните утрински часови.
Се чини дека времето во Ханиоти поминува побрзо, без разлика дали се релаксирате на плажата, се шетате по продавници или пак уживате во мирот во некој од парковите. Ова место им го препорачуваме на сите оние што сакаат да извлечат максимум од својот одмор и да заборават на сите грижи…
Текстот е објавен во соработка со Iguana.mk
