Откријте ги најдобрите места околу вас со Foursquare

Со присутноста на големата интернет фрагментација и одалечувањето на генерациите поради технологија, социјалните мрежи се трудат произволно да го закрпат општеството нa уникатен сајбер начин. Можеме слободно да кажеме дека денес секој има Facebook, а повеќето знаат што е Twitter, како и што нудат овие две социјални мрежи. Foursquare, од друга страна, има комплетно латерален пристап кон целиот поим и концепт, малку познат за луѓето без интерес за мобилни уреди.

Со присутноста на големата интернет фрагментација и одалечувањето на генерациите поради технологија, социјалните мрежи се трудат произволно да го закрпат општеството нa уникатен сајбер начин. Можеме слободно да кажеме дека денес секој има Facebook, а повеќето знаат што е Twitter, како и што нудат овие две социјални мрежи. Foursquare, од друга страна, има комплетно латерален пристап кон целиот поим и концепт, малку познат за луѓето без интерес за мобилни уреди.

Foursquare е најновиот интернет феномен кој спаѓа во категоријата социјални мрежи, со преку 4 милиони корисници денес. Сервисот е location-based или едноставно кажано, нуди преглед на места/локали обележани од други корисници, со помош на GPS и Google Maps. Под места (тука наречени Places или Venues) се подразбира секое кафуле, бар, клуб, дискотека, продавница, сендвичара, ресторан, кафеана итн. Кога ќе посетите некое место (дали ќе купите нешто или ќе седнете на пијачка), апликацијата ви покажува каде сте на мапата и нуди можност да направите Check In со што се отвораат повеќе опции за користење.

Апликацијата работи исклучиво на мобилен телефон, и е достапна на Apple, Android и Blackberry оперативните системи. Дополнително, сите информации се прикажани и на корисничкиот панел, на кој можете да пристапите преку вашиот веб-прелистувач каде ќе ја прегледате целосната историја на посетените места, вашите пријатели и нивните посети, значки, Mayorships, бодови итн.

За да станете Mayor, односно „градоначалник“ на некое место треба да имате повеќе посети од било кој друг. Тоа е титула која може да ја има само еден човек и се губи ако некој друг ги надмине тие посети.

Кога ќе направите Check In, можете да изберете дали сакате да го споделите тоа со вашите Foursquare пријатели или пак со социјалните мрежи Facebook и Twitter. Исто така, за секое место има информации кој е присутен во моментот, локација на Google Maps како и Tips (совети).

Прочитајте и:  „Епл“ ги претстави новите „Ајпад про“ таблети

Советите (Tips) се напишани од луѓе кои биле на тоа место и сакаат да искажат нешто во врска со него. Дали е тоа совет за добро јадење во ресторан или искажување незадоволство од услугата, оваа опција отвара можности инстантно да дознаете за позитивните или негативните карактеристики на едно место, а воедно и за промовирање на локалните бизниси.

Единствена видлива маана кај оваа апликација е тоа што има простор за мамење. Можете да направите Check In на некое место иако не сте ни влегле таму или пак да се пријавите повеќе пати во рок од неколку минути. Затоа ако сакате да ја почувствувате забавата што ја предизвикува оваа апликација ќе треба да имате осет за фер игра.