„Проектил од руско производство“ бил причината за експлозијата во полското село Пржеводов, на 8 километри од границата со Украина, соопшти доцна во вторникот полското МНР, пренесува CNN.
„Во 15:40 часот (локално време) во селото Пржеводов… падна проектил од руско производство, убивајќи двајца државјани на Република Полска“, соопшти Лукаш Јасина, портпаролот на полското МНР.
Меѓутоа, во соопштението не е наведен моделот на проектилот, ниту пак е наведено од каде бил лансиран.
Полското МНР исто така информираше дека го повикало рускиот амбасадор во земјата и од него било побарано итно и детално објаснување.
