Претседателот на ВМРО-ДПМНЕ – Христијан Мицкоски, во објава на Фејсбук, соопшти дека има ново парламентарно мнозинство.
„Новата иднина доаѓа, ново време и нова надеж. Нѐ чекаат силни предизвици, свесни и благодарни за поддршката заедно ќе успееме. Македонија ќе успее! Имаме ново парламентарно мнозинство“, напиша Мицкоски, споделувајќи заеднички фотографии од лидерот на Левица – Димитар Апасиев, генералниот секретар на Беса – Арјанит Хоџа, претседателот на Алтернатива – Африм Гаши, и генералниот секратар на Алијанса на Албанците – Арбен Таравари.
Парламентарното мнозинство брои 61 пратеник, но од ВМРО-ДПМНЕ најавуваат зголемување на бројот на пратеници во мнозинството. Се очекува изјава за медиумите во текот на утрешниот ден, пренесе МИА.
