Извршителите денеска пpoтестираа против предлогот на Министерството за правда, од кој дел е и намалувањето на максималната награда за извршување од 1.000 на 300 евра. Најголемиот дел од нивните канцеларии денеска останаа затворени, оставајќи ги граѓаните „со cкpшени cpца“, констатира „НОВА“ со доза на иpoнија, алудирајќи на реакциите на граѓаните и активистите од инцијативата „СТОП за извршителите“, кои „несебично“ им понудија помош на извршителите засекогаш да ги затворат своите канцеларии.
Од Комората на извршители (КИРМ), од друга страна, реагираат дека намалувањето на тарифите за повеќе од 70% е неприфатливо и ќе има големи финансиски последици по нивното работење, до степен на неодржливост, поради што голем број од нив ќе останат без работа. Според претседателот на Комората – Зоран Димов, „има извршители кои едвај преживуваат, има извршители кои и немаат толку голем обем на работа“. Комората е отворена за разговори и со Министерството за правда и Владата, со цел изнаоѓање на компpoмис, истакнува Димов, потенцирајќи дека ова ќе биде второ намалување на наградите за извршителите.
