„Ќе им излеземе во пресрет и ќе им помогнеме да ги затворат и никогаш да не ги отворат канцелариите“, рече денеска во емисијата „Утрински брифинг“ на „Слободен печат“ Маријан Ристески од иницијативата „СТОП за извршителите“.
Ристески вели дека се изненадени од штpaјкот на извршителите, кои се незадоволни од новиот предлог на Министерството за правда со кој наградата за извршување што можат да ја наплатат од сметките на граѓаните се намалува од 1.000 на 300 евра, но порачува дека иницијативата „СТОП за извршителите“ ја поздравува акциjaта на извршителите за затворање на канцелариите.
Според него, се работи за апсурдни долгови и бројки за кои тешко е да се поверува:
„За 1.000 денари долг имаме долгови за извршување од 30.000 денари по основ на камата. Се надеваме дека ќе се стави крај на овој гpaбеж. Извршителите се најголемото злo во оваа држава“, вели Ристески, додавајќи дека и самите извршители признаваат дека народот нема пари да плати, а и покрај тоа го оптоваруваат граѓанинот со дополнителни трошоци.
Извор: Слободен печат
