Министерот за полиција во Нов Јужен Велс во Австралија – Трој Грант, самиот се пријавил во полиција заради користење мобилен додека возел.
За време на едно саботно возење, во автомобилот пред себе забележал овца. Ја сликал ситуацијата со мобилниот, а потоа сликата ја објавил на Твитер.
Heading home on the Newell stopped at upgrade works and then saw this. A ewe in the back out on a Saturday drive! pic.twitter.com/MBjHvFNaxr
— Hon. Troy Grant (@troygrant) March 18, 2017
Арно ама, откако ја објавил сликата, сфатил дека и тој самиот ги прекршува правилата со тоа што користи мобилен додека вози, по што се пријавил кај надлежните.
По пријавата, известен бил дека го очекува казна од 250 долари.
„Ова е голем потсетник. Никој не е над законот, дури ни ако е министер на полиција“, изјави министерот за полиција.
