Животот е како грабеж на банка

Еве една интересна стара приказна, која може, ама и не мора да е вистинита, затоа што содржи пар добри животни лекции.

Имено, еднаш, во некоја далечна земја, неколку ограбувачи влегле во банка. Уште на влезот, еден од нив извикал:

„Не мрдајте! Ова е грабеж! И запомнете, парите се на банката, а животите ваши!“

Сите до еден мирно лежеле на подот…

Лекција 1: Неколку зборови можат да ја сменат перцепцијата на светот.

Една од жените провокативно се навалила врз столот, во обид да ги заведе ограбувачите.

„Ова е грабеж, а не силување. Однесувај се соодветно!“

Лекција 2: Биди професионален. Фокусирај се на целта.

За време на бегството при истиот тој грабеж, најмладиот од ограбувачите (со факултетска диплома), му рекол на најстариот, кој одвај имал завршено основно училиште:

„Еј стари, а да преброевме колку земавме?“

Стариот луто одговорил:

„Не биди глупав, тоа се многу пари за броење. Почекај додека не ја објават веста во медиумите, банката ќе каже колку пари се украдени“.

Лекција 3: Дипломите се супер, ама не купуваат искуство.

Откако ограбувачите избегале, директорот на банката се јавил кај сметководителот, а овој во полиција. Но претходно, сметководителот предложил:

„А да ги додадеме на 5-те украдени милиона и парите што ние ги украдовме минатиот месец, па да речеме дека оргабувачите ги украле и нив?“

Лекција 4: Искористи ја секоја можност.

Следниот ден на вести било објавено дека банката била ограбена за 50 милиони. Ограбувачите, знаејќи од око дека нема шанси да е тоа вистинската сума, го преброиле пленот, и избројале 5 милиона.

„Ние ги ризикуваме животите за мочани 5 милиони, а банкарските шефови украдоа 80 милиони без да мрднат со прст! Веројатно е подобро да научиме како функционира системот, наместо да бидеме обични лопови…”

Лекција 5: Знаењето е сила (Знаењето е моќ!).

Директорот на банката бил многу задоволен, особено што падот на берзата бил маскиран со грабежот.

Лекција 6: Без страв од ризици.

***

Дај му на човек риба и ќе го нахраниш на еден ден. Научи го да лови риба и ќе го научиш да се храни за цел живот. Дај му на човек пиштол и тој ќе ограби банка. Дај му на човек банка и тој ќе ограби сé живо.