Песочнава скулптура ни фати око. Ај што е детална и во реална големина, ама има и интересен концепт. Слон што игра шах со глушец? Некако потсетува на Давид И Голијат, или на рицарот што игра шах со смртта во „Седмиот Печат“ на Бергман.
Дело е на скулпторот Реј Вилфејн (претежно познат по резбањето на тикви) и уметничката Сју Беатрис. Скулптурата е голема околу 2.7 метри, во реален размер. Изложена е во Керфри, Аризона, и така ќе биде сé до август.
