2300 евра плата за галење на бебе-панда

Центарот за истражување и заштита на џиновските панди во Ченгдуу, во кинеската провинција Сечуан, вработува лица чија задача ќе биде да го галат бебето на овие загрозени животни. Како што пишува Chinadaily, работното место за ваквите експерти доаѓа во пакет со платено сместување, платена хранарина и годишна плата од 200.000 јуани (околу 28.000 евра).

Центарот вработува и други видови експерти, како на пример – специјалисти за хранење бебе-панда. Овие, за разлика од „галачите“, ќе мораат да се облекуваат како панда за да ги охрабрат младенчињата да им приоѓаат без страв.