На новинарските прашања во големото обраќање пред нацијата на Путин, рускиот претседател изјави и дека ја поддржува изјавата на републиканскиот кандидат, милијардерот Доналд Трамп дека Русија и САД треба да ги продлабочат односите.
„Тој е многу темпераментен човек, многу талентиран, без сомнеж, но не е до нас да ги оценуваме неговите дострели, туку до американските избирачи“, рече рускиот претседател Владимир Путин.
Тој додаде и дека Трамп е апсолутен лидер е во претседателската трка.
„Трамп е лидер во моментов во трката. Тој вели дека сака ново ниво на односите, дека сака да ги продлабочи односите со Русија. Како да не го поздравиме тоа? Секако дека го поздравуваме“, рече Путин.
На тоа Трамп возврати дека му е чест да добие комлимент од политичар од калибарот на Владимир Путин.
„Секогаш е голема чест да се добие убав комплимент од човек кој е исклучително почитуван и во својата земја и во странство“, изјави Трамп на митинг во Охајо.
