Потребна е голема храброст и авантуристички дух за да се влезе во мрачната внатрешност на џиновските пештери. Лилјаци, масивни сталактити и сталагмити и тони неизвесност. Меѓутоа, и покрај целата мистичност и таинственост, пештерите се посебен свет кој е секогаш забавен да се истражи. Наредните 20 пештери ќе ве освојат со својата уникатност и убавина.
1. CUEVA DE LOS CRISTALES, МЕКСИКО
Откриена во 2001 година од страна на двајца браќа, оваа пештера е полна со кристали од кои некои се стари и до 600.000 години.
2. WAITOMO GLOWWORM CAVE, НОВ ЗЕЛАНД
Формирана пред околу 30 милиони години, оваа пештера е брилијантен пример за биолуминисцентноста на земјата. Илјадници светулки ја красат внетрешноста на оваа прекрасна пештера во Нов Зеланд.
3. GROTTO AZZURRA, ИТАЛИЈА
Доколку некогаш се наоѓате во близина на Капри (Италија), тогаш задолжително е да ја посетите сината пештера. Некогаш жителите сметале дека тоа е збиралиште на ѓаволи и сирени, поради блескавата сина вода.
4. VATNAJÖKULL GLACIER CAVE, ИСЛАНД
Формирана целосно од мраз, оваа пештера е најдобра за посета во време на зимските или есенските денови. Многу од нив имаат силна светло сина боја, што е честа појава кога се глечерите во прашање. Би имале ли вие храброст да влезете во пештера која се топи?
5. PHRAYA NAKHON CAVE, ТАЈЛАНД
Во националниот парк Khao Sam Roi Yot лежи оваа прекрасна пештера со неверојатна историја зад себе. Сончевите зраци продираат во внатрешноста, осветлувајќи го Kuha Karuhas павиљонот кој бил оригинално изграден во 1890 година за кралот Chulalongkorn.
6. MARBLE CAVES, ЧИЛЕ
Многумина ја нарекуваат оваа пештера најневеројатна во светот. Светлосината блескава вода и нејзините бранови се делумно виновни за уникатните контури на белите карпи со кои е опколена.
7. ПЕШТЕРАТА ВО ВУЛКАНОТ МУТНОВСКИ, РУСИЈА
Звучи лудо помислата дека ледена пештера може да се формира во внатрешноста на вулкан, меѓутоа токму ваков феномен се наоѓа во Русија.
8. DONGZHONG, КИНА
Пештерата стара илјадници години, денес претставува училница за 186 ученици и осум наставници. Имено, во 1984 година, Кинезите решиле на оваа навидум обична пештера да и дадат едукативна намена
9. FINGAL, ШКОТСКА
Оваа пештера се наоѓа на островот Стафа, а нејзината внатрешност изгледа како да е рачно изрезбано дело на некој врвен уметник. Меѓутоа, геометриските структури се дело на природата односно на топлата лава која низ годините се оладила и напукнала во форма на шестоаголник.
10. REED FLUTE, КИНА
Пештерата Reed Flute претставува популарна дестинација во изминатите стотици години, а според цртежите пронајдени во неа, датира од 792 година п.н.е.
11. ELLISON’S CAVE, САД
Северниот дел на Џорџија е дом на пештерата Елисон, која е длабока речиси 180 метри. Со ова, таа претставува најдлабоката пештера во Соединетите Американски Држави.
12. KYAUT SAE CAVE, МАЈНМАР
Според легендата, Kyaut Sae пештерата во 13 век била користена од страна на локалното население за да се сокрие од Монголците. Сега, таа има друга посебна намена. Претставува прекрасен будистички храм и место каде монасите медитираат.
13. SON DOONG, ВИЕТНАМ
Ова е најголемата пештера во светот. Пронајдена од локален жител во 1991 година, таа е широка повеќе од 200 метри, висока околу 160.
14. EISRIESENWELT ICE, АВСТРИЈА
Најголемите ледени пештери биле откриени во доцниот 19 век, што е релативно доцна со оглед на тоа колку воодушевувачки изгледаат. Патот низ целиот лавиринт изнесува околу 40 километри, и е проследен со најразлични ледени структури.
15. ORDINSKAYA, РУСИЈА
Оваа пештера е совршена за љубопитните и искусни нуркачи. Нејзините подводни простории се протегаат на површина од 4 километри, а водата е толку чиста што јасноста на патот ниту малку не е застрашувачка.
16. CARLSBAD CAVERNS, САД
Лоциран во Ново Мексико, националниот парк Carlsbad Caverns е дом на бројни импресивни пештери, креирани пред 4-6 милиони години.
17. BARTON CREEK, БЕЛИЗЕ
Кога прво ќе влезете во оваа пештера, можеби нема да најдете ништо посебно, се додека не ги забележите скелетите. Оваа пештера Маите ја користеле за погребни церемонии.
18. JEITA GROTTO, ЛИБАН
Доколку некогаш имате прилика да ја посетите оваа пештера, веднаш ќе сфатите зошто е толку посебна. Движењето на водата и воздухот ги преплавуваат вашите уши со необични звуци од прекрасно, длабоко ехо, кое со сигурност нема да ве остави рамнодушни.
19. CANGO, ЈУЖНА АФРИКА
Во западниот дел на Јужна Африка, се наоѓаат овие драматични и колоритни пештери. Артефактите покажуваат дека влезовите на овие пештери претставувале дом на многу луѓе од средното и доцно камено доба, а денес овие канали претставуваат примамливи тури за љубопитните туристи.
20. AVEN ARMAND, ФРАНЦИЈА
Доколку се осмелите да се симнете 400 метри под земјата, ќе наидете на најразлични видови сталактити и сталагмити кои пленат со својата необичност. Доколку сте љубители на природата, а се наоѓате во Франција, дадете и предност на оваа пештера, па потоа продолжете го патот кон Ајфеловата кула.