Скорешното геолошко истражување покажа дека земјотресот во Непал бил толку силен, што предизвикал врвот Монт Еверест да ја смени насоката.
Најголемата планина на светот лежи на границата меѓу Кина и Непал, но и на границата меѓу Евроазиската и Индиската тектонска плоча. Токму затоа, врвот отсекогаш се движи во одредена насока, попрецизно, кон северо-исток.
Но, според истражувањето на Кинеската Национална администрација за истражување, мапирање и геоинформација, јачината на земјотресот што го погоди Непал во Април била толку голема што Еверест се поместил за околу 3 сантиметри, и тоа во спротивен правец од оној во кој се движел претходно.
Земјотресот од 7.8 степени по Рихтер уби речиси 9.000 луѓе и разруши делови од Непал, Индија, Кина и Бангладеш. Трепетот предизвика и лавина на Монт Еверест, во која загинаа 18 луѓе, а беа оштетени и алпинистичките „патеки“ и рути. Како последица на тоа, властите прогласија крај на алпинистичката сезона за 2015-та.
