Еве како добитниците подигнуваат лото џек-пот во Кина

Еден Кинез неодамна стана хит на ТВ вестите, и тоа од две причини: првата е што го доби џек-потот на националната лотарија, а втората е што наградата ја подигна облечен во бизарна маска.

Добитникот, за кого се верува дека е 40-годишен, толку многу бил загрижен околу откривањето на неговиот идентитет, што се појави облечен како дизниевиот лик Baymax (од Big Hero 6).

Зборувајќи со новинарите, тој откри дека добил 170 милиони јуани (~27 милиони долари), и покрај тоа што многу ретко купувал лото ливчиња. Околу чудниот костум, тој призна дека неговата жена го натерала на таков чекор, плашејќи се од старите пријатели и далечни роднини кои веројатно би се појавиле да побараат барем мал дел од наградата.

Колку и да звучи чудно, ова и не е баш така невообичаено за Кинезите. Традицијата на подигнување на големи парични награди облечен како суперхерој или во друг вид несериозна и чудни маска започнува уште пред околу 25 години. Многу од победниците не ни помислуваат да ја напуштат.

На пример, во 2014-та добитникот на 520 милиони јуани (~85 милиони долари) се појави облечен како жолта мечка. Вo истиот тој костум седеше за време на целата прес-конференција, одговарајќи на секакви новинарски прашања.

За разлика од „Baymax“, тој рече дека трошел од 20.000-30.000 јуани годишно на лото-тикети. Упорноста очигледно му се исплатела – сумата што тој ја доби е третиот најголем џек-пот во кинеската историја на игри на среќа.

Во сличен случај, лани во Август, човек облечен како Мики Маус се појави да си ја подигне наградата од 398 милиони јуани, додека во 2011-тата, 565-те милиони јуани беа подигнати од човек облечен како панда.

Кинеските друштвени мрежи сведочат и за други такви добитници, прикриени зад гас-маска, Avengers, Спајдермен и други слични.

И иако ваквата пракса очигледно ја исполнува намената, ништо не може да им помогне на добитниците кога станува збор за данокот што треба да ѝ го платат на државата. Така, „Baymax“ мораше да плати 20%, т.е. 34 милиони од 170-те милиони јуани, колку што изнесуваше добивката.