За здравје и богатство: Предмети што треба да ги имате за време на новогодишните празници

Добриот Фенг Шуи за добра нова година подразбира да имате одредени предмети и бои кои ќе ви донесат среќа и благосостојба, но и повеќе пари. Овие предмети чија улога е да ви привлечат богатство и здравје во деновите што следат се претежно со црвена боја. Оваа огнена нијанса претставува огнен елемент и во концептот на Фенг Шуи и се симбол на богатство и напредок.

Еве со што треба да се „наоружате“:

Црвен паричник
Новиот паричник симболизира дека сте подготвени да примите ново богатство при влезот во новата година (не само материјално, туку и духовно). Црвената боја ќе помогне да привлечете добри вибрации.

Црвена облека
Гардеробата во црвена боја ќе привлече среќа за во новата година. Совет од Фенг Шуи учителите е токму во црвено да ја поминете новогодишната вечер. Не е важно дали е главното парче црвено или само некој детал од гардеробата.

Црвени чевли
Чевлите се поврзуваат со чекорењето во подобри ситуации, години, времиња. Затоа црвените чевли ќе симболизираат дека сте подготвени да зачекорите напред во подобро утре.

Златен накит
Дискретниот златен накит „ќе повика“ изобилство и повеќе пари за вас и вашите најблиски.

Нов часовник
Симболизира дека се движите напред, а купувањето на нов часовник ќе привлече позитивна Чи енергија. Дури и најобичниот и најевтиниот часовник ќе биде доволен за позитивен удел во новата година.

Голема торба
Овој детал симболизира дека очекувате доста добри нешта и дека ви е потребна голема торба во која би ги сместиле сите благодети на овој свет.