Минувачите на пацифичкиот брег кај државата Вашингтон во САД беа особено изненадени кога плимата исфрлила еден мошне необичен чамец.
Пловилото кое во целост било прекриено со алги, оддавало впечаток дека со години лутало над океанот, но експертите имаат поинакви претпоставки за тоа од каде потекнува и како завршило во САД.
Чамецот бил пронајден од страна на еден полицаец кој случајно шетал покрај брегот, а гледката делувала нереално. Кајче, целосно прекриено со богата подводна вегетација и школки.
Со оглед на тоа што на чамецот можеле да се забележат јапонски букви, претпоставил дека потекнува од Јапонија, од времето на страшното цунами во 2011-та година. Тоа значи дека кајчето поминало речиси 6.500 километри.
Експертите од Одделението за екологија земале примероци од чамецот, а резултатите ќе бидат објавени после една седмица.
