Според премиерот на Израел, иранскиот напад бил неуспешен бидејќи бил спречен од израелскиот систем за противвоздушна одбрана, за кој рече најнапреден во светот. На израелската војска ѝ честита за „импресивното достигнување“
Иран направи голема грешка и ќе плати за тоа, изјави премиерот на Израел, Бенјамин Нетанјаху, по ракетниот напад што Иран вечерва го изврши врз израелска територија.
„Режимот во Иран не ја разбира нашата решеност да се браниме и одмаздиме на нашите непријатели. Водачот на Хамас, Јахја Синвар и врховниот воен командант на Хамас, Мохамед Деиф, не го разбраа ова, лидерот на Хезболах, Хасан Насралах и началникот на Генералштабот на Хезболах, Фуад Шукр, не го разбираа ова, а веројатно има и такви во Техеран кои го разбираат ова“.
рече Нетанјаху и додаде:
„Ќе разберат.“
Додаде дека кој и да го нападне Израел, ќе му биде возвратено.
Според Нетанјаху, иранскиот напад бил неуспешен бидејќи бил спречен од израелскиот систем за противвоздушна одбрана, за кој рече најнапреден во светот. На израелската војска ѝ честита за „импресивното достигнување“.
„Нападот, исто така, беше спречен благодарение на будноста и одговорноста што ја покажавте вие, граѓаните на Израел. Им благодарам и на САД за поддршката во нашите одбранбени напори“,
додаде Нетанјаху.
Претходно вечерва, иранскиот претседате Масуд Пезешкијан предупреди дека денешниот напад на Израел е само дел од моќта на Иран. На израелскиот премиер Бенјамин Нетанјаху му порача оти Иран не поттикнува воени конфликти, но силно одговара на секоја закана.
