Ретко кој би се осмелил да го збогати својот дом со некое од столчињата подолу, но оние исклучоците кои се подготвени на предизвикот да ги вклопат во својот дом, ќе поседуваат единствени примероци какви што нема никој друг во светот. Имено, романската дизајнерка Ирина Неасу лансираше свежа колекција столици со необични карактери на познатиот париски настан „Maison&Objet“. Серијата наречена „thecraftlab“ означи потполно нова насока во еволуцијата на нејзиниот бренд. Секој карактер на столчињата е уникатен и рачно персонализиран, преку веќе познатите текстури и бои. Ви се допаѓаат?
