Во интервју за „360 степени“, во февруари годинава, Арсовска кажа дека Митковски е пријател на нејзиното семејство повеќе од 20 години. За неговата улога во Град Скопје, Арсовска тогаш не даде прецизен одговор
![](https://365.com.mk/wp-content/uploads/2024/08/MixCollage-09-Aug-2024-01-55-PM-1876-1024x576.jpg)
![](https://365.com.mk/wp-content/uploads/2024/08/MixCollage-09-Aug-2024-01-55-PM-1876-1024x576.jpg)
Рано утринава во скопската општина Ѓорче Петров било запалено возило „мерцедес а класа“, со скопски регистарски таблички и во сопственост на правно лице од Скопје, информира Министерството за внатрешни работи.
Повеќе медиуми јавуваат дека станува збор за автомобилот на Драги Митковски-Книга, доскорешен близок соработник на градоначалничката на Град Скопје, Данела Арсовска, кој на неодамнешните парламентарни избори беше и носител на листа во втората изборна единица како претставник од партијата на Арсовска – Нова Алтернатива.
„Фокус“ пишува дека правното лице на кое гласи опожареното возило е Сметководственото биро „ММ“, чиј управител е токму Митковски.
Од МВР велат дека пожарот делумно зафатил уште две возила.
„На 09.08.2024 во 03.05 часот од Бригадата за противпожарна заштита – Скопје во СВР Скопје е пријавено дека на територија на Општина Ѓорче Петров било опожарено патничко моторно возило ‘мерцедес а класа’ со скопски регистарски таблички, сопственост на правно лице од Скопје. Од пожарот зафатени се и патничко моторно возило ‘хјундаи’ и ‘сузуки свифт’ во делот на браниците и ретровизорот. Се преземаат мерки за расчистување на случајот”,
соопштуваат оттаму.
Во интервју за „360 степени“, во февруари годинава, Арсовска кажа дека Митковски е пријател на нејзиното семејство повеќе од 20 години. За неговата улога во Град Скопје, Арсовска тогаш не даде прецизен одговор.
Се шпекулира дека Митковски и Арсовска во меѓувреме ги заладиле односите.