Стапката на репродукција на коронавирусот (R0) во Германија порасна над критичната граница од 1.0, објави во саботата Инститот „Роберт Кох“ (RKI). Тоа значи дека Германија повторно е во фаза кога секој пaциeнт заpaзува, во просек, по најмалку едно лице.
Според најновите проценки на RKI, R0 на вирусот е 1.1.
Германските власти, особено здравствените, постојано предупредуваат дека за сузбивање на епидемијата нужно е R0 да биде под 1. И германската канцеларка Ангела Меркел во детали објаснуваше дека секое надминување на критичната граница за секој 0.1 ќе значи подоцен и поголем пик на епидемијата во земјата, а со тоа и одложување на враќањето во нормала, па дури и неопходност од враќање на строгите рестриктивни мерки.
Од друга страна, само во средата RKI објави дека степенот на репродукција на вирусот е 0.65. Постојаниот раст забележан заклучно сабота, велат од Институтот, се должи на укинувањето на повеќе рестрикции и неколкудневните охрабрувачки новости за намалено ширење на вирусот.
„Поради зголемената проценета R0 вредност, неопходно е следниве неколку дена многу внимателно да го следиме развојот“, се вели во соопштението на RKI.
Германија досега има повеќе од 170.000 потврдени случаи и 7.500 пoчинaти. Повеќе од 144.000 се оздравени.
Во светот, според Worldometers, бројот на потврдени случаи надмина 4.1 милиони. Над 280 илјади се пoчинaти, а над 1.44 милиони се оздравени од коронавирусот.
