На турнирот ќе настапат 89 боксери од 20 земји. Македонската претставничка Марија Костовска во категоријата од 75 до 80 килограми ќе боксува против Ирина Лустак од Украина.
Полуфиналните борби се закажани за 14 ноември од 14 часот, а финалето ќе се одржи во недела со почеток во 17 часот.
Минатогодишниот освојувач на „Златниот гонг“, Ален Рустемовски, нема да го брани трофејот поради настапот на Европското првенство за боксери до 23 години во Пореч, Хрватска, кое ќе се одржи од 14 до 25 ноември. На првенството ќе настапи и неговиот брат Ружди Рустемовски.
