Во продажба првиот флексибилен смартфон кој може да се носи како нараквица

Во продажба се појави првиот флексибилен телефон направен од графен, кој за прв пат беше развиен во Велика Британија.

Го направи кинеската компанија Moxi Group, а екранот му е толку флексибилен што може да се носи и како нараквица.

Револуционерниот материјал од кој е направен е потенок од влакно од коса и 200 пати појак од челикот. Графенот беше создаден во 2004 година, од страна на двајца научници од универзитетот во Манчестер, кои подоцна за својот изум добија и Нобелова награда.

Компанијата наведува дека до крајот на годината ќе испорача 100.000 нови мобилни телефони, чија цена е 776 долари. За почеток, телефонот ќе има едноставен црно-бел екран, но компанијата претстави и верзија во боја, која има можност за пренос на видео снимки. Должината му е 5.2 инча, а тежи 200 грама.