На иницијатива на мото-клубот Go Bikers од Гостивар, денска успешно беше организирана нивната прва крводарителска акција, на која беа собрани над 20 единици крв. Со оваа акција, Go-Bikers покажаа висока свест за значењето на хуманитарните активности и дадоа пример за солидарност и грижа за заедницата.
Од мото-клубот изразуваат голема благодарност до сите учесници кои одвоија време да дадат крв и ја поддржаа оваа акција, особено до тимот на Трансфузиологија од болницата „Д-р Ферид Мурат“, кои вложија огромен труд за акцијата да се одвива без проблеми и во најдобар ред.
Во иднина, Go Bikers најавуваат дека ќе продолжат со вакви активности со цел да придонесат за доброто на заедницата во Гостивар.
