Во 1991 година, iPhone 5s би се продавал за 3,56 милиони долари

Редакторот на Tech Policy Daily успеал да пресмета каква ќе била цената на паметниот телефон iPhone 5s доколку се продавал во 1991 година.

Брет Соунсен, напоменува дека вакви експерименти за пресметување на цените се правени и претходно, но обично тие предизвикувале многу дискусии сврзани со веродостојноста на податоците.

 Според пресметките на Соунсен, еден гигабајт флеш меморија во 90-тите години чинел околу 45 илјади долари. Не е тешко да се пресмета, дека 32 GB, ќе чинат околу 1,5 милиони долари. За постигнувањето на брзата работа демострирана од страна на процесорот Apple A7 би биле потребни околу 620 илјади долари за купување на многу процесори во тоа време, преку кои може да се постигне слична работа на онаа на  20500 MIPS. За да се достигне таа брзина за размена на податоци ќе се потребни уште околу 1,5 милиони долари.

Авторот објаснува дека ги нема пресметано страничните ефекти, кои се предизвикани од инфлацијата, како и димензиите на дадениот уред, кои се слични на димензиите на еден фрижидер. Не е пресметана и цената на сензорниот дисплеј, бидејќи во почетокот на 90-тите години, такви дисплеи сеуште не постоеле. Во цената не е пресметана и цената на веб камерите и сензорите, бидејќи тие сеуште не биле создадени и неможат да бидат заменети.

Токму затоа ако ги пресметаме и сите овие дополнителни трошоци, излегува дека цената на iPhone 5s во 1991 година сигурно би била повисока од 3,56 долари.

Teкстот е објавен во Socialnet.mk