Вистинска еколошка катастрофа се случува во Преспанското езеро, откако дното на езерото во својата најдлабока точка пресуши.
На снимката која наш читател ја направи во Мала Преспа, каде и што се наоѓа месноста „Казан“, ја покажува сериозноста и алармантноста на ситуацијата.
Понорот „Казан“ е место каде што Преспанското езеро се одлева, а оттаму под Галичица се влева во Охридското езеро. Во нормални услови овој понор би бил од 50 до 70 метри под вода. Впрочем, оваа точка во Преспанското езеро е и најдлабоката точка.
На снимката, јасно се гледа понорот и дното на езерото во својата најдлабока точка.
Според мештаните, Преспанското езеро е доведено до оваа состојба благодарение на незаинтересираноста на државата да го спречи неконтролираното испумпување на водата во соседна Албанија и Грција, каде тамошните земјоделци ги полеваат сопствените ниви.
Дополнителен проблем, велат познавачите е злоупотребата на водата од Охридското езеро која преку браната во Струга се испушта во Црн Дрим а потоа во Албанија оваа вода се користи за производство на електрична енергија во приватни хидроцентрали. Повлекувањето на вода од Охридското езеро, неминовно повлекува вода и од Преспанското.
За алармантноста на состојбите, погледнете го видеото.
