Лидерот на ДУИ, Али Ахмети, во видео обраќање на македонски јазик, упати честитка по повод Денот на сесловенските просветители – светите браќа Кирил и Методиј.
„Почитувани мои сограѓани, нека е честит Денот на словенските просветители Кирил и Методиј. Во нивното дело е израснат и современиот македонски јазик кој претставува израз на посебноста на македонскиот народ – нашите сограѓани Македонци! Во духот на мултиетничкото општество кое заеднички го градиме да се потсетиме на овој важен ден дека заеднички ја преземаме обврската да ја зачуваме, негуваме и унапредуваме меѓународната артикулација на македонскиот јазик на ист начин како што тоа го правиме и за посебноста на македонскиот идентитет. Нека е среќен и честит празникот!“, вели Ахмети во видео честитката по повод 24 Мај.
