Вечерва (30.10) со почеток во 20 часот во пабот Беертија ќе се случи 12. издание на „Поетска епизода“ на тема „Хорор, чудно, страшно“. Во рамки на настанот ќе учествуваат поетите и поетеси Лидија Димковска, Андреј Ал-Асади, Милена Сиљаноска, Никола Наумовски и Драгана Стојадиновска.
Модератори на настанот ќе бидат Андреј Медиќ Лазаревски и Марија Велинова.
„Поетска епизода“ е книжевен настан организиран во соработка со Здружението за афирмација на младинската култура „Култура Бета“. На досегашните 11 изданија настапиле над 50 домашни и странски автори, а секое издание е посветено на различна тема.
12. издание ќе се случи во рамки на Halloween базарот организиран од Пламен Ивентс, а читањето е со поддршка на Град Скопје.
