Tри нови улоги во рекламниот бизнис

Филмовите како „Како да се успее во рекламирањето“ (How to Get Ahead in Advertising / 1989), „Што сакаат жените“ (What Women Want / 2000) и сериите како „Момчињата од Медисон“ (Mad Men) и „Верувај ми“ (Trust Me) ги направија популарни во текот на годините позициите во рекламниот бизнис како креатив директор, копирајтер, арт директор, графички дизајнер, смедководствен директор, продуцент, комерцијален менаџер.

Маркетингот сепак е област, којa што се менува многу брзо. Со напредокот на технологијата и дизајнот, во него се појавуваат нови позиции. Еве три од нив, кои влегуваат во рекламните агенции низ светот.

Директор на социјални медиуми

Негова должност е да го води целокупниот маркетинг во социјалните медиуми на клиентите. Работата е тешка, бидејќи вклучува обврски надвор од работниот ден – кампањите на социјалните медиуми се развиваат 24 часа од денот, 7 дена во неделата. Тој е одговорен за стратегијата на селекцијата и објавувањето на содржината на страниците на социјалните медиуми на клиентот. Работи на промоција на брендот онлајн, како и зголемување на сообраќајот на фирмата преку употреба на повеќе платформи. Идејата е преку сите овие активности да се создаваат приходи за брендот. Директорот на социјалните медиуми ја користи креативноста на колегите во неговата агенција и на вработените на компанијата што се јавува како клиент, за да ја реализира својата визија за развој на брендот. Во оваа работа е потребно и доста креативно размислување, во комбинација со одлични познавања на дигиталниот пејзаж, како и личен интерес за случувањата во својата мрежа и онлајн заедниците. Добриот директор на социјалните медиуми е истовремено активен. Тој создава можности.

Онлајн менаџери

Има значително зголемување на побарувачката на овие експерти. Тие се занимаваат со тоа да создадат или пишуваат содржини што би им се допаднале на луѓето и би ги споделиле на интернет. Овој тип на менаџери соработуваат во работата со менаџерите на социјалните медиуми и медиумските директори во агенциите за да се зголемуваат онлајн заедниците на страниците на брендовите во платформи како што се Facebook, Twitter, Instagram, Pinterest и Vine. Веројатно ги користат овие сајтови во секојдневниот живот, за да знаат како функционираат. Работата на онлајн менаџерот е да прилагодува содржини на профилот за мноштвото различни клиенти. На пример една публикација на Фејсбук за „Дурекс“ би изгледа и звучела многу различно од друга за „Омега перниците“ или „Гала кујна“. Овој професионалец е креативен камелеон кој се развива и умее да еволуира спрема секој клиент. Неговите пораки се својствени на брендот и во исто време многу погодни за споделување.

Менаџер на промоции

Да не се меша со ПР менаџерот. Менаџерот на промоции работи рака под рака со ПР и маркетинг тимовите, за да создава настани за компании, од кои што се раѓаат вести. Работата му е да обезбеди сите настани кои се состојат за клиентот, да изгледаат како составен дел од целокупната маркетинг и ПР кампања, која ја води фирмата. Налејте нови идеи, создавајте атракции во надворешната средина, носете го брендот до нови територии – сето тоа, за да се создаде масивно враќање на инвестицијата. Промоциите, со кои работи, може да се движат од нешто многу едноставно како делење флаери и подароци во трговските центри, до нешто скапо и извонредно, како концерт на отворено или вирално видео. Овој вид менаџери жонглираат. Работата им е напната, а истата може да биде исполнета со многу патување и средби со ѕвезди. Платата обично не е голема, повеќето од нив се во бизнисот поради интересната професија и социјалните бенефиции.

Благодарност до VIA Marketing што ни ги разјасни овие поими и области кои активно работат во рамки на нивната маркетинг агенција.