Во рамките на првиот дуел за финалето на Европското првенство вечерва од 21 часот, ќе се случи пресметка на титаните на европскиот фудбал Шпанија против Франција.
Шпанија е непоразена селекција на турнирот досега – ги доби сите пет натпревари. Таа е на првото место по бројот на постигнати голови, со 11 од нив и е најдобрата екипа по вкупен број обиди за постигнување гол – 102 и дури 230 украдени топки Шпанците се подеднакво добри и во напад и во одбрана.
На патот до финалето, Шпанија ја чека солидна селекција на Франција, која во пет натпревари четири пати успеа да го спаси својот гол, т.е. да не прими гол.
Франција, од друга страна, не беше убедлива како нивните ривали, но цели кон четврто финале на големите турнири во последните осум години. Тие играа финалиња на Евро 2016 и финалиња на Светските првенства 2018 и 2022. Овие достигнувања не само што зборуваат за големи успеси, туку сведочат и за големо искуство во играчкиот кадар, но и кај тренерите на високо ниво натпревари.
Еден век фудбал меѓу Шпанија и Франција
Пред нешто повеќе од еден век селекциите на Франција и Шпанија за првпат одиграа натпревар меѓу себе. До денес имаат регистрирано вкупно 36 дуели, во кои поуспешна е Шпанија со 16 победи, Французите имаат три триумфа помалку, а седум натпревари завршиле нерешено.
Ова ќе биде шеста средба меѓу Шпанија и Франција на еден голем турнир. Франција победи три од првите четири – 2-0 во финалето на Евро 1984, 2-1 во четвртфиналето на ЕП 2000, 3-1 во осминафиналето на Светското првенство 2006 година, додека Шпанија победи на последниот натпревар со 2-0 во четвртфиналето на Евро 2012 Еден натпревар заврши нерешено 1:1 во групната фаза на Евро 1996 година.
Од вкупниот број меѓусебни натпревари, дури 26 се одиграа со пријателскиот префикс. Последниот натпревар овие тимови го одиграа во финалето на Лигата на нации на 10 октомври 2021 година во Милано, при што Франција победи со головите на Карим Бензема и Килијан Мбапе, додека Микел Ојарзабал постигна гол за Шпанија.
