Стивен Хокинг: Погледнете како изгледаат вонземјаните

Физичарот Стивен Хокинг, кого многумина го сметаат за најпаметен човек на светот, во документарниот филм на Discovery Channel ни открива како според него би изгледале вонземјаните. Хокинг е сигурен дека животот надвор од Земјата постои во различни облици, можеби дури и во нашиот Сончев систем.

Физичарот [[Stephen_Hawking|Стивен Хокинг]], кого многумина го сметаат за најпаметен човек на светот, во документарниот филм на Discovery Channel ни открива како според него би изгледале вонземјаните. Хокинг е сигурен дека животот надвор од Земјата постои во различни облици, можеби дури и во нашиот Сончев систем.

Имено, под замрзнатата површина на Јупитеровата месечина Европа би можел да постои слој погоден за живот. Изгледот и однесувањето на поединечните вонземјани, Хокинг го изведе од условите на различните планети како што се геолошките својства, климата и атмосферата. Неговите замисли и пресметки беа визуелизирани преку компјутерска графика и за прв пат беа прикажани во документарната серија „Into The Universe“. Хокинг истакнува дека во вселената постојат речиси 100 милијарди галаксии, а секоја од нив има повеќе од стотици милиони ѕвезди околу кои кружат планети, заради што веројатноста дека животот се развил само на земјата е исклучително мала.

„Математичкиот ум ми овозможува сосем рационално да размислувам за вонземјаните. Голем предизвик е да се открие како тие изгледаат што најмногу зависи од тоа со што се хранат и во какви околности живеат.“ тврди физичарот.

Хокинг смета дека постојат вегетаријанци и месојадци и верува дека некои од нив имаат нозе и сурла преку која ја вцицуваат храната и очи со кои гледаат се пред себе. Понатаму, 68-годишниот физичар смета дека некаде постојат суштества кои се многу слични на лигњи и кои со биоенергија можат да произведат сопствена светлина, а токму тие би можеле да живеат на Јупитеровата месечина Европа. Животот на планетите на кои температурите се движат околу минус 10, пак, има радикално поинаква физиологија. Хокинг претпоставува дека животот на тие планети се одвива многу бавно.