Доколку и вие спаѓате во онаа група на луѓе кои постојано губат нешто, следниот производ кој ќе ви го прикажеме ќе може значително да ви го олесни животот. Нема веќе потреба од панично барање на далечинскиот управувач, или мини-срцев удар кога нема да знаете каде ви се клучевите. Нема потреба ниту од нервози зошто ви го нема паричникот или било кој друг предмет (или милениче) кој секојдневно го барате низ куќата.
Со изумот на Џон Митс, bluetooth налепниците наречени Stick-n-Find веднаш ќе го лоцираат предметот кој ви е потребен.
Уредите имаат дијаметар од само 24mm и тежина од 4mm, а тежат само 4 грама. Нивниот опсег пак, изнесува околу 30 метри. Налепниците работат со помош на заменливи батерии како оние на часовниците, со просечно траење од околку една година и Bluetooth 4.0 конекција.
Тоа значи дека Stick-n-Find налепниците се поврзуваат со iOS уреди со Bluetooth 4.0, односно iPhone 4s, iPhone 5, new iPad, New Touch, mini iPad, или уреди со Андроид 4.1 верзија и понови на кои ќе може да се инсталира апликацијата.
Максималниот број на налепници кои можете да ги поврзете со вашиот смартфон е 20, а начинот на кој ќе ги детектирате предметите можете да го одберете самите, односно одбирате дали тоа ќе биде светлечки и звучен сигнал или можеби комбинација од двете опции.
Stick-n-Find налепниците можете дури и да ги залепите на ранците на вашите деца, со што би се чувстувале посигурно кога одите некаде на заедничка прошетка или пак купувате во некој поголем маркет.
Овој генијален производ се очекува да биде сосема готов и пуштен во продажба во март, а благодарение на одличната кампања и добриот маркетинг веќе се очекува со нетрпение на пазарот во Северна Америка.
Погледнете го ова видео во кое детално е објаснет начинот на кој финкционираат Stick-n-Find локациските налепници.
[youtube]6lkiblLfkVk[/youtube]
