Клуч

Клучот е мал предмет со голема моќ. Тој отвора и затвора, чува и ослободува. Во сонот затоа најчесто е симбол на решение за проблем, на одговор што го бараш или на пристап до нешто важно, место, личност или дел од тебе. Клучот е и знак на доверба, затоа што го даваме само на тие што ги сакаме.

Ако сонуваш дека наоѓаш клуч, ќе ти се отвори можност или ќе го најдеш одговорот што долго го бараш. Ако го губиш клучот, се плашиш дека ќе изгубиш контрола над некоја ситуација. Ако некој ти подарува клуч, ќе ти укаже доверба или ќе те воведе во свој свет. Скршен клуч укажува на пристап што повеќе не функционира.

Ако во сонот имаш многу клучеви, а не знаеш кој отвора што, имаш повеќе можности отколку јасност. Клучот те учи дека решението често е мало и едноставно, само треба да го пробаш во вистинската брава.