Сите имаме супермоќи: 20 неверојатни факти за човековото тело

Човечкото тело е неверојатно комплексно и е способно на многу повеќе отколку што сме свесни дека можеме. Еве 20 неверојатни факти што ја доловуваат необичноста на неговото функционирање и се доказ дека секој од нас поседува супер-моќи:

1. Ако го искорнете од градите, срцето ќе продолжи да работи уште некој момент, а тоа се должи на неговиот сопствен систем што му овозможува да прима кислород ако е изложено на воздух.
2. Желудочната киселина е толку силна што слузокожата на желудникот во потполност се обновува на секои 3-4 дена.
3. Киваме со брзина од 160 километри на час.
4. Човековите крвни садови имаат вкупна должина од 95.560 километри, што е речиси два и пол пати повеќе од должината на Земјиниот екватор.
5. Човечкото срце, дневно, произведува толку енергија колку што троши еден камион за да помине 30 километри.
6. Ако се собере енергијата што срцето ја произведува во текот на животот, истиот камион би можел да патува до Месечината и назад.
7. Човековата кожа, во текот на 70 години (просечен човечки живот), отфрла доволно мртви клетки од кои би можел да се состави комплетно нов човек од 47 килограми.
8. Во текот на животот, човекот произведува доволно плунка за да може да се наполнат два базена.
9. Покрај петте познати човечки сетила, луѓето имаат и уште едно метасетило, наречено проприоцепција. Се работи за комбинација од свеста на умот за движењето на мускулите и чувството за положбата, обликот и големината на деловите на телото. Благодарение на ова метасетило, можеме да допреме било кој дел од своето тело и без да го гледаме.
10. Кога човечкото око би било камера, би имало резолуција од 576 мегапиксели. За споредба, камерата со највисока резолуција има 80 мегапиксели и чини 34.000 долари.
11. За еден час, телото произведува 180 милиони црвени крвни зрнца (еритроцити).
12. Ако во текот на бременоста, мајката повреди еден од внатрешните органи, бебето од материцата „ја снабдува“ со матични клетки за поправка.
13. Во човековиот папок, научниците имаат најдено 1.458 нови видови бактерии.
14. Човекот може да го ресетира сопствениот дневен „биолошки часовник“ (ритамот на спиење) ако впери светло во задниот дел од колената.
15. Човекот може да преживее и до 2 месеца без храна.
16. Рецепторите за вкус се наоѓаат не само на јазикот, туку и на стомакот, цревата, панкреасот, плуќата, анусот, тестисите и мозокот.
17. Едно од објаснувањата на фобиите смета дека тие стравови се всушност наследени сеќавања преку гените од нашите предци.
18. Човечкиот мозок е способен да извршува задачи дури и кога е во РЕМ фазата – на пример, да чуе и научи нова музичка мелодија.
19. Научно е докажано дека дури и мала доза на чувство на моќ влијае на промените во мозокот.
20. Ако намерно направите фацијален израз кој имитира некаква емоција, ќе почнете таа емоција и да ја чувствувате.