Многу луѓе се плашат од глувци, мачките обожаваат глувци. Ирелевантно. Важно е што ни е тешко да ги посматраме глувците од призма на убави животни, но затоа има и такви на кои тоа им пошло од рака и око, како што е случајот со илустраторката Надја Бонтен-Слендерс од Холандија, која во текот на годините го развива својот препознатлив стил.
Во 2013 година таа го започнува предизвикот да направи 365 илустрации – по една за секој ден од годината. Така самоуката сликарка го оформува и го подобрува својот стил на цртање и создава повеќе различни видови на дела што потоа се претвора и во нејзина професија.
Да погледнеме дел од нејзините слатки илустрации во кои главно место заземаат симпатичните глувци.
