Северна Кореја го обвини генералниот секретар на ОН, Антонио Гутереш, дека зазел пристрасен став во врска со експлозијата на мина на границата со Јужна Кореја. Ким Јо Џонг оцени дека неговиот став не придонесува за намалување на тензиите.
Ким Јо Џонг оцени дека Гутереш зазел „пристрасен и неодговорен“ став, повторувајќи ги едностраните тврдења на Јужна Кореја за експлозијата на мина во септември. Таа изјавата ја дала во соопштение што го пренела севернокорејската новинска агенција КЦНА.
Портпаролот на ОН, Стефан Дижарик, изјави дека Гутереш ги повикал двете Кореи да продолжат со дијалогот, вклучително и разговорите на воено ниво, за да се избегнат несакани инциденти.
Во експлозијата на мина во демилитаризираната зона во септември биле тешко повредени неколку јужнокорејски војници на извидувачка мисија. Сеул тврди дека експлозијата ја предизвикала севернокорејска мина, додека Пјонгјанг ја отфрли одговорноста и наведе дека неговите сили спроведувале операција за утврдување на границата, без да ги прекршат Повелбата на ОН или меѓународното право.
