Веќе ни е добро познато обликувањето на лицето со помош на разни нијанси на пудра и шминка, но сега претставуваме поинакво обликување на лицето – со нашата коса.
Да, можеме буквално да го „извајаме“ нашето лице благодарение на прецизно поставените посветли прамени и вид на фризура.
Користејќи светли и темни тонови за да се создаде сенка и длабочина на лицето, така и нанесувањето на боја во специфични области на косата, може комплетно да го смени обликот на лицето или одредени области.
За да го обликувате вашиот изглед на вашето следно одење на фризер, ова е еден преглед на тоа што да побарате според обликот на вашето лице.
Тркалезно лице
Тркалезното лице, генерално, има силна коскена структура, па одговараат светли тонови нанесени низ косата, од уво до уво, додека потемните тонови се фарбани под ушите и долните краеви на косата. Првиот начин го осветлува и издолжува лицето, додека вториот му дава повеќе облик на лицето од една точка.
Овално лице
Овалното лице сметајте го за облик кој одговара на се, бидејќи не само што одговара на повеќето фризури и бои, тоа во основа е совршена форма за обликување на лицето. За да се истакне уште повеќе, секогаш гледајте да додадете длабочина со бојата, густа текстура, и сјај.
Триаголно лице
Подлабоките тонови се применуваат на коренот по дел и мирко-осветлени делови се нанесени на косата од над ушите до крајот на косата, создавајќи аглест и истенкувачки ефект на лицето.
Коцкасто лице
Коцкастите лица имаат пошироки карактеристики на лицето, со повеќе тонски слоеви од светли и темни бои се нанесуваат на аглите на лицето и околу вилицата и слепочниците, кое пак ги омекнува и смирува линиите и додава повеќе длабочина.
Срцевидно лице
Обликот на лице во вид на срце е како вид на превртен триаголник, со лицето изострено кон брадата. За да се создате повеќе овален облик, посветли прамени се нанесени околу вилицата и ушите за да го ублажи долниот дел од лицето.
