Во едно фабрикувано видео, во кое се тврди дека го испратила полицијата, се зборува за терористичка закана и ги повикува Американците „да гласаат од далечина“. Во второто има лажно соопштение за печатот во кое ФБИ зборува за наводно наместено гласање во пет затвори
ФБИ ги предупреди Американците за две нови лажни видеoснимки за наводна закана за тероризам и изборна измама, последни во низата дезинформации што властите очекуваат дека ќе се засилат паралелно со зголемениот број гласачи кои се упатуваат кон гласачките места.
Во едно фабрикувано видео, во кое се тврди дека го испратила полицијата, се зборува за терористичка закана и ги повикува Американците „да гласаат од далечина“. Во второто има лажно соопштение за печатот во кое ФБИ зборува за наводно наместено гласање во пет затвори.
„Двете снимки не се автентични“,
соопшти ФБИ.
FBI Statement on False Videos. pic.twitter.com/UJzjDLd8p2
— FBI (@FBI) November 2, 2024
Официјални лица на сите нивоа на власт со недели ги предупредуваат Американците на обидите за поткопување со лажни информации. ФБИ ги повика гласачите да бараат веродостојни информации од проверени извори.
Кејт Конли, службеничка за кибербезбедност во ФБИ, во вторникот рече дека тие сè уште не регистрирале никакви инциденти кои би ја загрозиле безбедноста на американската изборна инфраструктура, иако таа предупреди дека странските актери ќе тврдат спротивно.
„Како што повторивме многу пати, можевме да видиме повеќе од оваа активност денес и во наредните недели, со посебен фокус на наративи кои ќе се обидат да влијаат на состојбите во ‘свинг’ државите“,
предупреди Конли.
Американските разузнавачки агенции, исто така, во понеделникот рекоа дека очекуваат странските операции „да се интензивираат за време на изборниот процес и во наредните недели“, особено во седумте клучни држави кои ќе го одредат конечниот победник на изборите.
Но, шефицата за кибербезбедност на агенцијата, Џен Истерли, рече дека нејзиниот оддел сè уште нема докази дека тоа се случува.
Минатата недела американските агенции ја обвинија Русија за лажно видео на кое се гледа наводен мигрант од Хаити како неколку пати гласа во Грузија. ФБИ предупреди на уште неколку лажни видеа во текот на викендот.
